Pyndonkam u bah Prestone da ka pharshi u Aesop ban ther ïa kiba pyrshah ïa ka sorkar ba ïalam da ka NPP ha Mylliem

Shillong, Risaw 9: U Symbud Myntri Rangbah uba dei u state President ka NPP, u Bah Prestone Tynsong, u la pyndonkam ïa ka pharshi jong u Aesop shaphang u Myrsiang bad ki soh grapes ba jew ban shim ïa ka bor ïa ka liang pyrshah, ha ka por ba u dang ialap elekshon ïa u kyrtong ka NPP sha Shillong Lok Sabha, u Dr DRL Nonglait ha Mylliem.
Haba kren ha ka jingialang ïalap elekshon ba la pynlong da ka NPP Mylliem Block, u Bah Tynsong u la ong ba ki kynthoh ïa ka sorkar ba la ïalam da u Conrad Sangma ki ialam bakla ïa ki briew kum u myrsiang bad u soh grapes ha ka pharshi.
“Kane ka pharshi ka pynkynmaw ïa nga ha ka por ba nga dang pule ha skul, ha ka por ba nga pule ïa ki phawar u Aesop,” la ong u Tynsong.
“Nga kynmaw ïa kawei ka lynnong ha kaba uwei u myrsiang u la pyrta ïa ki para myrsiang bad ki mrad khlaw baroh – ‘Ko paralok, phet noh na uta u dieng soh namar lada phi bam ïa u phin sa ioh ia ka jingpang pynhiar kpoh bad dei na kata ka daw ba ngi dei ban phet noh baroh.’Kumta baroh kito kiba bieit bad kiba sngewrit ki la phet noh mardor,” u la ong.
“Shisien ba ki la phet lut, uta ujuh u myrsiang, baroh marwei, u la leit suki suki uwei hadien uwei bad u la bam ïa ki soh grapes.Ha ka step kaba bud haba ki mrad ki la iaid biang, kaba phylla, ym shym la don wat tang uwei u soh grapes uba sah ha uta u dieng.Uta u myrsiang nangta u la ong, ‘Oh, nga la bakla.Hadien ba nga la mad ïa ka katno u long ba thiang, nga dang ap biang ba un mih soh biang hynrei haduh mynta ym shym pat la mih soh'” la iathuh u Tynsong.
Haba batai ïa ka jingiasyriem jong u, u bah Tynsong u la ong, “Kaei kaba nga mut ban ong ka long ba baroh kito ki mat kiba dang ïa kren – da ki khmat briew ngi iohi ïa kaei ka kam kaba ngi na ka sorkar ngi pyrshang ban leh hapoh ka jingialam jong u Conrad K Sangma – don kiba ong ba kane ka jingpynlut kai ka long kaba palat.Don kiba ong na Umshyrpi haduh Banuin, ka sngew kumba ka shong ha ka surok kaba sniew.” ka dur jong u Conrad, ka dur jong u Sniawbhalang ban ong ba u soh grapes uba thiang.”
“Bad kaba phylla ka long ba bun ki ngeit kumta.Kumta, nga kwah ban ong, ki kmie, ki kpa, ki khynnah rit, sngewbha ban bishar bha,” u la bynrap.
U Symbud Myntri Rangbah u la kdew ruh ïa uwei u samla nong phawar kum u Akbar na Mylliem.
“U samla Akbar, ka jingphawar jong u ka rung ha ka dohnud bad ka jingmut jingpyrkhat.Ngan khot ïa u u Akbar uba khraw.Ka khubor kaba une u samla u ai ka lah ban pynkylla ïa ka jingmut jingpyrkhat jong ki paidbah jong ka jylla jong ngi bad ka imlang sahlang jong ngi,” la ong u Tynsong.
Ïa kane ka jingialap ha Mylliem la pynlong ban kyntiew ïa ka jingkyrshan ïa u kyrtong ka NPP u Dr DRL Nonglait na ka bynta ka lection shiteng ka Shillong Lok Sabha ka ban sa long shen.