Jowai, Risaw 06: Ka jingïalehkai ‘Quarter Final’ jong ka lympung (L) Joybell Suiam Memorial Football League 2026 haka kyrdan 2nd Division bala pynïaid daka Thadlaskieñ Sport Association kaba la long mynta ka sngi 6 tarik u Risaw, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong hadien ka jingïakhaid khlem don kiba ïoh ban thep kol, ka kynhun ïalehkai jong ka Maskut kala jop da 6-5 kol ïaka Lumkynsaw lyngba ka jingïashut Tie Breaker.
Katba haka jingïakhun kaba ar ka Shillong Police kala jop da 2-1 kol ïaka Thadmusem SC, ïa ki kol naka Shillong Police la thep da u Klophast Kshiar haka minit ba 20 bad u Iohborlang Nonglyer haka minit ba 26. Ïa ka shikol na ka Thadmusem SC la thep da u Samuel Shadap haka minit ba 4.
La pyntip ka jingïakhun lashai ka sngi 07/10/2026 haka kyrdan 1st Division kaba la tip kum ka Hajan Shylla Memorial Football League-2026 haka por 2 baje nohphai sngi kan long hapdeng ka Tyrshang SC pyrshah ïaka Bamkamar SC.
