Jowai, Risaw 06: Ka lympung ïalehkai phutbol jong ka kyrdan “Super Division” bad ka 1st Division League 2026 bala pynïaid daka East Jaiñtia Hills District Football Association (EJHDFA) kaba la long mynta ka sngi 6 tarik Risaw ha madan Artificial Diengshynrum, Khliehriat.
Haba phai sha ka jingïakhun jong ka 6th Kyrmen Shylla Contribution Trophy League Stage 2026 haka kyrdan “Super Division” hapdeng ka kynhun ïalehkai jong ka Wahiajer Narpuh SSC bad ka Thangskai Tiger SC kila poi sha ka jingïakhaid da mar ar kol (2-2), ïa ki kol naka Wahiajer Narpuh SSC la thep da u Stephan Tangsang haka minit ba 3 bad u Paila Mukhim haka minit ba 90+4. Ïa ki kol na ka Thangskai Tiger SC la thep da u Wendi Nongtdu haka minit ba 15 bad u Ksankupar Khongmalai haka minit ba 48.
Katba haka jingïakhun jong ka Thomas Nongtdu Memorial Trophy haka kyrdan 1st Division League 2026 ka kynhun ïalehkai jong ka R.Synrang Shahkhain SC kala jop da 2-0 kol ïaka Dienshalalu SC, ïa kitei ki kol naka R.Synrang Shahkhain la thep da u Seigoulen Kipgen haka minit ba 15 bad u Raplangki Lyngdoh haka minit ba 50.
