Pynlong biang ka WJSU ïa ka ‘Follow-up Top-20 Examination’ ban kyrshan pisa ïa ki samla pule

Jowai, Risaw 04: Ka Education Sub-committee jong ka War Jaiñtia Students’ Union (WJSU) hynnin ka sngi kala pynlong ïa ka Follow-up Top-20 Examination jong ka 2nd War Jaiñtia Scholarship Examination 2025 haka Skul Riwar Jaiñtia Church of God School, Ladjaplem, Amlarem Civil Sub-Division, Amlarem.
Ïa kane ka Written Examination la sdang naduh ka por 10 baje mynstep haduh 12 baje mynsngi bad ïa ka Personal Interview pat la sdang naduh ka por 1 baje haduh 3 baje nohphai sngi.
Ha kane ka Competitive Examination, baroh ki khynnah kiba mih kyrteng ha ka list jong ka Top 20 – kynthup na ka Section-I, Section-II bad Section-III kila wan ban shim bynta.
Ïa ka Result jong kane ka Follow-up Top20 Examination jong ka 2nd War Jaiñtia Scholarship Examination yn sa pynbna ha ka taïew ba khatduh jong une u bnai October, 2026.Ka Education Sub-committee kan sa jied mar hynñiew (7) ngut na kawei ka Section I, Section II, Section III, ki ban ïoh ïa ka Monthly Scholarship kaba 1200/- Shi bnai na bynta ka 12 Bnai (Shi snem).
Kane ka long katkum ka khubor ba la phah da u Bah Heartcasing Dkhar uba dei u Education Sub-Committee ka WJSU.