Lyngba ka jingrakhe ban pynleit jingmut ha ki jingbam teimet la pynkut ha Central Agricultural University

Shillong, Risaw 04: Ka College of Community Science (CCS), ka Central Agricultural University (Imphal), Tura ka la pynkut ïa ka jingrakhe jong ka Rashtriya Poshan Maah kaba shibnai 2026 da ka tamasa bam.
Kane ka tamasa, kaba la pynlong da ka tnad Food Science bad Nutrition ha ka jingïasyllok bad ka POSHAN Abhiyaan, ka la pynleit jingmut ha ki jingbam ba tei met, ka jingbam bapher bapher, ka jingbam protein kaba biang bad ki rukom bam hapdeng ki kynthei, ki khynnah bad ka imlang sahlang kaba kham heh.
La plie paidbah da u Dean Dr Jyoti V Vastrad, ha kane ka tamasa la pyni ïa ki 12 tylli ki stall ba la buh da ki nongseng kam la jong, ki nongrep bad ki samla pule jong ka CCS, ha kaba la pyni ïa ki mar bam na la ka jong ka thaiñ, ki jingbam tynrai bad ki jingpynkhreh kiba thymmai. Kane ka jingïalang ka la khring palat 300 ngut ki nongïashim bynta kynthup ïa ki nonghikai, ki samla pule, ki nongtrei, ki nongmihkhmat sorkar bad ki paidbah nongshong shnong.
Ïa ka Best Stall Award kaba kit ïa ka song pisa kaba T.5 hajar kaba la kyrshan da ka Big C Cancer Support Group, Tura, la ai sha ka Darechikgre Primary Agroecology Cooperative Society Ltd, West Garo Hills. Ïa kane ka khusnam la sam da u Additional Deputy Commissioner bad CEO ka Tura Municipal Board u Jude Rangku T Sangma uba la pynkup burom ïa kane ka prokram pynkut ïa kane ka khusnam.
Ka jingrwai ba shoh mynsiem hapoh ka jingpynroi jingrwai jong u Myntri Rangbah ka Jylla ka la pyndap ïa ka jingpaw jong ka kolshor ha ka jingrakhe.
Kane ka tamasa ka la long ka jingpynkut ïa ki kam pynphriang paidbah kiba la pynlong ha baroh u bnai Nailur da ka tnad hapoh ka jingïalam jong u Head Dr Namita Singh.
Kane ka outreach ka kynthup ïa ka jingai jinghikai ïa ki nongtrei jong ka Anganwadi bad ki nongpeit na ki hynriew tylli ki projek jong ka West Garo Hills halor ki rukom shet kiba tei met bad kiba pher bapher da kaba pyndonkam ïa ki tiar ba rem dor na ka thaiñ.
Ki prokram jong ka imlang sahlang ki kynthup ïa ka “Ka jingshet jingshet ba koit ba khiah na ka bynta ka shnong ba suk” ha Gimbilgre ha kaba la pyni ïa ki kheer jong ki soh, ka cheela carrot, ka poushtik khichadi bad ka moringa pakora, bad ka jingpyni ïa ki jingbam ba la shet shit ha Adugre ha kaba la pyni ïa ki jingbam ba la shet da u sohjew. Kawei pat ka prokram ha Rimrangpara ha ryngkat ka jingïatreilang bad ka ICDS ka la pynleit jingmut ha ka fern green omelette, ka salad plantain, tapioca cutlet bad bottle gourd kheer, nalor ka jingïakob shet jingshet.
Ka tnad ka la pynlong ruh ïa ka jingïalap ïa ki jingbam ba riewspah ha ki jingthung ha Tura Supermarket, da kaba pynsngewthuh ïa ki 60 ngut ki nongdie dukan shaphang ki jingbam ba don ki jingthung, ki sohjew, da kaba pyni ïa ka laddu sohjew barit ryngkat bad ki sla curry bad ki sohjew chunks salad.
La shon ruh bad pynphriang lyngba ka All India Radio, Tura ïa ka prokram radio halor ka “Invisible Hunger: Hidden Nutrition That Stunts Learning”, kaba pynpaw ïa ki jingbam ba teimet bad ki jingbam ba tei met.
Ki jingtrei kiba la neh shibnai ha ka jingïalang ki la poi sha palat 1,000 ngut ki nongïashim bynta kynthup ïa ki nongtrei jong ka Anganwadi, ki kynthei, ki samla, ki khynnah, ki nongshong shnong bad ki nongdie dukan, da kaba pynïasoh ïa ka jinghikai shaphang ka jingbam ba tei met bad ki rukom bam jong ka thaiñ, ka jingstad tynrai bad ka jingseng kam seng jam.