Jowai, Risaw 02: Ka lympung ïalehkai phutbol kaba la tip kum ka ‘Hajan Shylla Memorial Football League 2026’ jong ka kyrdan ‘1st Division’ kaba la sdang hynne ka sngi Thohdieng 02 tarik u Risaw 2026, bala pynïaid daka Thadlaskieñ Sport Association (TSA) ha madan Wahiajer Multi Sports Complex Stadium.
Haba phai sha ka jingïakhun kaba nyngkong mynta ka sngi ka Umjlasiaw kala jop da 1-0 kol ïa ka Dongmihsngi, ïa katei ka shikol la thep da u Wad Siangshai haka minit ba 63.
Ha kane ka sngi sdang la wan ban donlang da u President ka TSA ma Kmenlang Shylla, General Secretary ma Ebormi Shylla, Treasurer TSA ma P. Lamare, ki members ka TSA bad kiba ha ïing ha sem jong ka (L) Hajan Shylla. Ha kajuh ka por la pyllait paidbah ïaka Ticket Lucky Draw ka Thadlaskieñ Sport Association.
La pyntip ka jingïakhun kaba bud jong kane ka kyrdan 1st Division haka 7.10.2026 kan long hapdeng ka Tyrshang SC pyrshah ïaka Bamkamar Wah.
