Jowai, Nailur 30: Ka Mopliang RC Dreaming bad ka Lad Mukhla ki la jop ïa la ki jong ki jingïalehkai ha ka lympung phutbol (L) Joybell Suiam Memorial Football League 2026 jong ka kyrdan Second Division bala pynïaid da ka Thadlaskieñ Sport Association, ba la long hynne ka sngi Balang (30 tarik, Nailur) ha Wahiajer Multi Sports Complex Stadium.
Haba phai sha ka jingïakhun kaba nyngkong (Group Stage) ka Mopliang RC Dreaming kala jop da 1-0 kol ïaka Mukhla Nongrim, ïa katei ka shikol na ka Mupliang RC Dreaming la thep da u Ram Phawa (10’).
Haka jingïakhun kaba ar ka (Pre Quarter) ka Lad Mukhla kala jop da shikol (1-0) ïaka Moobakhon Tyllilang, ïa katei ka shikol naka Lad Mukhla la thep da u Pyrkhatbha Suna (69’).
La pyntip ka jingïakhun ha kane ka sngi Palei (01/10/2026): (Pre Quarter) Por 10 baje mynstep ka Mukhla Sohshrieh kan ïakhun pyrshah ïaka Mupliang Good Will FC; Por 12 baje mynsngi ka Kremmyrsiang pyrshah ïaka Ryntih Mynsngat; katba ha ka Por 2 baje nohphai sngi ka Namdong Christian Club pyrshah ïaka Mynkrem.
