La shu kyrmen ba ki MLA ka UDP kin pynïoh shisha ïa ka jingangud jong ki da kaba pynïasoh sha ka BJP

K i 8 ngut ki MLA jong ka seng UDP, ki la kylla na ka United Democratic Party (UDP) sha ka Bharatiya Janata Party (BJP) bad katei ka pynkut noh ïa ka jingïatrei shitom jong ki, ha ki bun bun snem bad ha ki bun bnai ha shwa ka elekshon MLA 2023, ha ka kyrteng jong katei ka seng trai ri ban pynneh ïa ka jinglong kyrpang jong u khun khasi khara.
Hynrei kaba i bieit shibun eh, ba haba kitei ki 8 ngut ki MLA, ki don ïa ka jingïateh kular bad ka BJP, na bynta ka ktien Khasi bad kiwei kiwei, hynrei katei ka jingleit rung seng jongki, ka dei kaba khlem pat pynurlong tang ïa kawei ruh ka jingïateh kular jong ki.
Kat ka jingleit ïasoh ki 8 ngut ki MLA, hynrei ym shym la ïohi, ïa uwei ruh u kha heh jong ka BJP, ba un don bynta ha katei ka jingleit ïasoh jong ki lada dei ka jingïakynduh ïa U Narendra Modi, ïa U Amit Shah, ïa U Rajnath Singh kiba dei ki nongïaleh baheh duh jong ka sorkar BJP; hynrei la ïohi, ba la pdiang burom da ki bym dei satia ki nongïalam jong katei ka seng, ba kynthup ïa U Kiren Rijiju u myntri ka sorkar India bad U Sambit Patra, uba dei U MP jong ka seng BJP bad nangta sa U Nitin Nabin, U President ba dang shu shimti shen bad katei ka jingjia, ka pynlip rong noh ïa ka jingthmu baroh kawei kaba dei kaba heh bha bad kaba kane ka sorkar MDA, ka la phlop ha ka jingkob sarong jong ka, ha kine ki phra snem ba ladep.
Don kiba ong ba kan don ka jingpdiang sngewbha ïa kitei ki 8 ngut ha ki khyndiat sngi ban sa wan bad lada ka dei kumta, ki MLA thymmai jong ka BJP, ki dei ban wan rah ïa U Narendra Modi, ïa U Amit Shah, ïa U Nitin Nabin, ïa U Rajnath Singh ha Madan Polo ban pynlong ïa ka rali kaba heh ha katei ka madan bad ba kan don ruh ka jingkular na katei ka rynsan ïa ki mat kiba ki la dawa kitei ki MLA kyntiap seng.
Ka BJP kam pat ju jop na ka vote jong ka hi, ha ka elekshon ha ri Khasi Jaiñtia, namar ba ki ar ngut kiba la jop na katei ka seng, kum u Bah AL Hek, Bah Sanbor Shullai, ki dei kiba jop na ka vote jong ki hi bad lada jia ba kin ïaleh independent ruh kin jop beit bad kumta lada ka seng BJP, kan shu kular kai bad pynslem ïa ki jing ïateh jong ka bad kitei ki 8 ngut ki MLA, kumta ki sngi kiba eh bad kiba kham eh shuh kin ïap ïa kitei ki kyntiap seng bad kumjuh ïa ka BJP hi, ha ka elekshon MLA 2028.
Mynta ka dei ka kabu ksiar ïa ka, ba kan pyni ba ka seng NPP, ka dei ka seng ka bym larkam bad ka dei tang ka BJP, kaba lah ban pynïoh ïa ki kular ksiar kiba ki la siang hapdeng jong ki bad kitei ki riew kyntiap seng, da kaba kin ïaid shakhmat ban pynurlong ïa ki jingdawa kiba ka jaitbynriew, ka la ïai dawa da ki phew phew snem.
Shuh shuh lah ruh ban ong ba kane ka jingleit ïasoh jong ki sha ka seng BJP kan lah shisha ban pynurlong ïa ka jingdawa jong ki kumba ki la ong ba ki angnud ban pynurlong ïa ka jingktien Khasi, bad kiwei pat ki mat jingdawa jong ki.
Halor kane, kiba bun na ki paidbah ki la pynpaw ba dei ban don noh da kawei pat ka seng riewlum kaba lah ban ïarap ïa ki khun khasi ha kane ka por kaba mynta bad kumjuh ruh ban pynneh ïa ki riti dustur bad ki jingdonkam jong ka jylla ban pynneh ïa ka riti dustur bad kumjuh ruh ban ïarap ia ka jylla kaba donkam ïa ki jingeh na ka por sha ka por.
Kumba ka long mynta ngi donkam bha ban ïoh ki lad ki jingïarap ha kaba ïadei bad kane ka kam kaba donkam ban pynneh ïa ka ktien jong ka jaitbynriew bad kumjuh ruh ban ïarap lem ïa ka jylla ha kaba kan ïoh ka jingithuh ha ka ri baroh kawei bad kumjuh ruh ban pynneh ïa ka riti dustur jong ka jylla khamtam eh ïa ka ktien Khasi kaba donkam bha ban pynneh ha kine ki por kiba mynta khnang ba ki khun ki kti jong ka jaitbynriew kin lah ban ïarap ha kaba ïadei bad kane ka bynta ban pynneh ïa ka riti dustur bad ka deiriti la jong.
Halor kane lah donkam ruh ïa kiba shem phang ban ïarap lem halor kane ka rukom khnang ba ka jingthmu ban dawa ban pynrung ïa ka ktien khasi hapoh ka khyrnit kaba 8 kan lah ban urlong shisha kumba la angnud da baroh bad kane kan long ruh ka jingmyntoi lada ka sorkar pdeng kan ai ka jingmynjur ïa kane ka ktien lada baroh na kitei ki 8 ngut ki MLA ki la angnud.