Jowai, Nailur 21: Ki resol jong ki jingïalehkai ka lympung (L) Joybell Suiam Memorial Football League 2026 jong ka kyrdan 2nd Division bala pynïaid da ka Thadlaskieñ Sport Association, ba la long hynne ka 21 tarik u Nailur, 2026 ha Wahiajer Multi Sports Complex Stadium.
Haba phai sha ka jingïakhun kaba nyngkong ka Iawthymblien SC kala jop da 3-1 kol ïaka Umladang SC. Ka Iawthymblien SC ka la pynkhihjar lyngba u Tremiki Lyngdoh (4’), u Dawyo Suna (41’) bad u Bistar Lyngdoh (55’). Ïa ka shikol na ka Umladang SC la thep da u Heipormi Nongtdeh (52’).
Nangta ka jingïakhun kaba ar ka Modop FC kala jop da 2-1 kol ïaka Rakabah Hunlang FC. Baroh ar kol jong ka Modop FC la thep da u Ribait Dkhar (34 & 50’), katba ka Rakabah Hunlang FC la thep da u Obedaiah Biam (own goal) (25’).
Katba ha ka jingïakhun kaba lai hapdeng ka Madur bad ka Kdiap Rising Sun kila poi sha ka jingïakhaid khlem da don ba lah pynkhihjar (0-0).
La pyntip ka jingïakhun ha kane ka sngi Ba-ar (22/09/2026); Por 10 baje mynstep ka Mainroad SC Wahiajer pyrshah ïaka Mukhla Wahchnong; Por 12 baje mynsngi ka Nongdhar Nongthymme pyrshah ïaka Mukhla Sohshrieh; Por 2 baje janmiet ka Shillong Police pyrshah ïaka Good Will Mupliang.
