Shillong, Nailur 21: Ka Saw Shnong Football Association kum shi bynta ban pyllait ïa ki khun samla ka shnong na ki jyrsieh kam sniew kiba la sdang kharoi bha mynta, kila plie paidbah ïa ka 2 Saw Shnong Football Tournament 2026.
Kine ki Saw shnong ki kynthup ïa ka Shnong Umphyrnai, Mawlynngad, Jyntah bad Lum Lyer.Ha kane ka tournament ki don haduh 24 tylli ki team kiba ïashim bynta ha kane ka lympung.
Na ka liang u Bah Lambor Malniang uba dei u MLA bad MDC barim jong ka Nongkrem constituency u la wan ban plie paidbah ïa kane ka tournament ha ka jingsakhi lang ki Rangbah Shnong, Secretary Shnong, ki nongkitkam ka Saw Shnong Association, ki nonghikai skul bad ki paidbah nongshong shnong.
Haba kren kum u kongsan u Bah Lambor Malniang u la ong ba ka sap ba la ai u Blei na ka bynta jong phi ka ïa ïaid ryngkat namar ba hap ban ptaktis bha knang ba kan dang pynjanai shuh shuh ïa ka rukom ïalehkai bad ka pyrkhat pyrdain ba thmu beit ban rah ïa ka thong.
Ha kane ka lympung ki don haduh 24 tylli ki team kiba ïa shim bynta ban kin ym don ki team kiba ong ban shu ïalehkai myllen, baroh kiba wan ïa shim bynta baroh ki thmu ïa ka thong, kumta ka team ba jop mynshem snem ka hap ban ïa trei shitom bad khmih lynti ban rah biang ïa ka jingjop.
Ïa kane ka Saw Shnong Football Association la seng ha u snem 2025 hynrei phi la lah ban wanrah ïa kum kine ki tournament kaba wanrah ïa jingïatylli para shnong para thaw bad ki para marjan ki para marpa namar ba kan don ka jingithuh mar kylliang.
Ha kane ka sngi ba sdang kane ka lympung ki team kiba plie ïa kane ka tournament kadei ka Friend United pyrshah ïa ka Rngi Sport Club.
