Shillong, Nailur 17: Ha ka step jong ka 17 tarik Nailur 2026, la suba ba ki dei ki petrol bomb ha ki ar tylli ki jaka bapher bapher ha Shillong – kawei ka dei ïa ka Police Booth ha Nongmensong bad kawei pat kaba ïadei bad kawei ka kali kaba don ha ka phalor jong ka ophis jong ka Directorate of Health Services (DHS) ha Laitumkhrah.
Ka Police Booth kaba don ha Nongmensong kaba don ha shilynter ka surok kaba leit sha Umpling la suba ba ka la shah kawang da u petrol bomb bad ka kali kala kem ding.
Ha katei ka jingjia ha jaka jong ka ophis jong u DHS, ka video kaba la saphriang bha ha WhatsApp ka la pyni ïa kawei ka kali Bolero kaba la kem ding, katba ki briew jong ka Fire and Emergency Services la iohi ba ki dang synreit um ha ka jingpyrshang ban pynlip ïa ka ding.
Katei ka kali ka don ïa u number ML-01-7702, bad la ïathuh ba katei ka jingbthei petrol bom ka la jia ha ka por kumba 3:30 haduh 4:00 a.m.
Kine ki jingjia ki la jia tang shisngi hadien ba la shah kawang petrol bom ïa ka ophis jong ka Directorate of Mineral Resources kaba don ha Risa Colony.Hadien kata ka jingjia, u Myntri Rangbah ka Jylla Meghalaya u Conrad K. Sangma u la leit jngoh dalade ïa katei ka jaka ha ka janmiet jong ka 16 tarik Nailur 2026.
