ïatyllilang baroh 33 ngut ki MLA ka NPP yn pynleit jingmut ïa ka elekshon MP bad MDC (GHADC): Conrad

Shillong, Nailur 17 : U Conrad K Sangma, uba dei u National President ka NPP bad u Myntri Rangbah ka Meghalaya, u la ong ba ka NPP ka dang ïatylli mlon haduh mynta bad baroh ki 33 ngut ki MLA.
Haba kren bad ki lad pathaikhubor, u Conrad u la ong ba ka NPP ka trei shitom ban jop ha ka elekshon MP Shiteng samoi na Shillong Lok Sabha bad kumjuh ruh ha ka elekshon MDC ha Garo Hills Autonomous District Council (GHADC).
U Conrad Sangma u la ong, “Ka NPP ka ïatylli mlon baroh. Dang shen u Symbud Myntri Rangbah u la kren na ka bynta ka NPP bad u la pynshai ba ngi dang trei lang. Ngi don 33 ngut ki MLA. Ngi ïatylli bad ngi trei shitom, ym tang ban pynkhlaiñ ïa ka sorkar, hynrei ruh ban pynkhlaiñ ïa ka party ha ki sngi ban wan.”
U Sangma u la kyntait ruh ïa ki jingïakren halor ki khubor pynïasoh BJP jong ki MLA na ka UDP..U la ong ba kine ki dei tang ki jingïakren ha social media.
U la ong, “Ngam pat ïohsngew ïa kane na kano kano ka tyllong khubor kaba shaniah. Nga tang ïohi ïa ki reel bad ki jingïakren ha social media.”
U la ong ruh ba um kwah ban kren halor ki jingmutdur kiba ym pat don ki jingshisha.
Shuh shuh u la ong, “Ngam lah ban kren tang da kaba ïohi ha ki reel ne ki khubor. Ka dei ban don ka jingshisha. Haduh ba ngan ïohi ïa kaei kaei kaba shai bad kaba lah ban pynshisha, ngan ym kren halor jong ka.”