Sha ki nongïalam kiba don hapoh ka ïingbyndi yn leit pynsngew ka KSU ïa ki rai ba mih

Shillong, Nailur 16: Ka Khsi Student Union (KSU) kala pynpaw ïa ka jingbym sngewhun ïa ka jingkhot ïa kren ka tnad Tourism ne Jngohkai pyrthei jong ka sorkar ban ïa kren halor ka khyrdop rung bad min ne kata ka Entry bad Exit point ha Umling, Ri Bhoi District.
Haba kren sha ki lad pathai khubor u samla Pynshai Rani uba dei u Assistant General Secretary ka KSU seng Kmie u la ong, Ha ka jingïakren na ka liang jong ngi ngim da hun namar ba ngi dang pyrkhat ba kin don lang kiwei ki tnad trei ka sorkar kum ka Labour, ka tnad kam poh ïing bad kiwei kiwei.
“Hynrei mynta ka sngi ka jingïa kren ka long beit thik tang bad ka tnad jngohkai pyrthei, hooid ka jingïakren ka long kaba da sngewtynnad haduh katta katta namar ba kita kiwei pat ki tnad trei kam ka sorkar shym la kynthup lang ha kane ka jingïalang” ong u samla Pynshai.
Shuh shuh u la ong, “Ha kaba ïadei bad ki rai ba ka tnad jngohkai pyrthei kala pynsngew sha ngi bad kaba donkam mynta ka long ba kano kano ka rai ngi hap ban pynsngew shwa sha ki nongïalam kiba dang shah set hapoh ïingbyndi namar ba ka rai hap shim jong ka jingmynjur lang da baroh”.
U samla Pynshai u la ong ba ka seng kala ban jur ba ka kam kan ïaid sted kumba la ïa kren ba ka Felicitation centre yn pyntrei kam noh ha u bnai Naiwieng ban pyntrei kam pura, kumta ngi la ban jur ïa ki ophisar jong ka tnad jngohkai pyrthei bad la shi sgi ngin kynduh ïa ki briew kiba don hapoh ka tnad Labour, Police bad kumta ter ter khnang ba kine ki jingïakren kan long kaba sei soh bad kaba kloi.
Ka tnad jngohkai pyrthei ka khot ïa ngi tang halor ka kam jngohkai pyrthei na kiwei ki jylla ne na ki ri ka pyrthei bad kata ka long kin pyndonkam ïa kawei ka Act khnang ba ki briew kiba wan nabar ki hap ban pynrung kyrtengïa lade ne regigter ha kane ka jaka ne leh ruh da ka online, u la ong.
“Ka Felicitation Centre kaba don ha Umling ka tnad Jngohkai pyrthei ruh kadei kawei, nangta ka tnad pule puthi, ka tnad Labour, ka tnad Pulit bad kiwei kiwei de ki tnad trei kam jong ka sorkar kin peit bad jngoh ym tang ïa ki nongwan shang suwari, hynrei ha kane ka jaka ba kynthup lang ïa baroh kiba wan” u la ong.
U samla Pynshai u la ong, Na ka liang jong ka tnad jngohkai pyrthei kala pyni ïa ka kam jong ka ba ka la ïaid sha khmat ha kaba ïadei bad tang bad ki nong wan jngohkai pyrthei khnang ba ka tnad kan tip ïa ka jingwan jong ki briew kiba nabar kiba wai kai sngewbha sha ka jylla jong ngi.
Ha kaba ïadei bad ka jingrit jong ka jaka u samla Pynshai u la ong ba nyngkong ki pyni ba kadei tang kumba 15 spah eiei hynrei mynta na kaliang ka tnad jngohkai pyrthei kila ong ba kin pynheh bad ki lah ruh ban pynheh lada donkam bad ka jingheh ka jaka kan long kumba 4 hajar sq ft.