Jowai, Nailur 16: Ka Shilliang Umshong SC bad ka Ladrymbai Dongwah SWSC ki la jop ïa la ki jong ki jingïalehkai jong ka lympung phutbol “Super Division” bad ka 1st Division 2026 bala pynïaid daka East Jaiñtia Hills District Football Association (EJHDFA), kiba la long hynne ka sngi Balang 16 tarik Nailur ha madan Artificial Diengshynrum, Khliehriat.
Ka jingïakhun jong ka 6th Kyrmen Shylla Contribution Trophy League Stage 2026 ha ka kyrdan “Super Division”, la sakhi ïa ka Shilliang Umshong SC kaba la jop da 3-0 ïaka R. Skhenshynriah SC.
Ka Shilliang ka la pynthikna ïa ka jingjop da kaba lamkhmat 2 kol ha ka kylla step lyngba ki kol jong u Besterly Ksih (12’) bad u Hesmiky Rymbai (39’) shuwa ba u Phon Khaii (82’) un bynrap ïa kaba lai ha ka kylla miet.
Haba phai pat sha ka jingïakhun jong ka Thomas Nongtdu Memorial Trophy kaba dei jong ka kyrdan First Division League 2026, ka Ladrymbai Dongwah SWSC kala pynliem noh da 2-0 kol ïaka Rymbai MadanpynriangSC. Baroh ar tylli ki kol la thep da u Deepson Tokbi haka minit ba 44 & 54.
