Don ki nongrep kiba hap leit bylla sngi noh bym don jaka rep la kajong: Prof Thakur

Shillong, Nailur 07: U Dr. Dwipendra Thakur ïa u nonghikai ka Central Agriculture College ha Umïam Ri Bhoi District, la ong ba ki don ki nongrep ha Meghalaya kim don jaka ban rep ki shu shim wai.
Haba kren ha ki lad pathai khubor ha ka sngi Nyngkong ha Shillong Press Club la ong ba don ki nongrep ba ka kamrep kam dei ka kam jong ki, ka daw ka long ba kim don jaka rep ki shu shim wai ïa ka jaka ban rep bad kane ka buh ka jingeh kaba khraw.
La ong ba kine ki nongrep ki rep katba u trai khyndew u dang aiwai ïa ki ynda ym ai wai shuh ki la hap ban ieh ïa ka rep bad ki hap ban poi sha ka kam bylla sngi kane ka dei ka jingshem ha kaba ïadei bad ka rep ha kane ka jylla Meghalaya.
Katba kito ki briew kiba don la ka jong ka jaka ban rep kila leh bha bad kila dang pynheh ïa ka rep ka riang ka jong ki bad ka la dang kiew bad kata kila ïoh namar na ka liang jong ka Central Agriculture College kaba don ha Umïam Ri Bhoi ba dei jong ka Central Agriculture University Imphal ka tip ïa kane ka jingdonkam bad ka bha ka miat jong ki.