Jowai, Nailur 04: Katkum ki khubor ba la ïohlum la ïathuh ba ha ka step sngi Thohdieng ha por 11:00 baje eiei, ka la don ka jingjia aksiden ha u surok bah hajan jong ka Jowai Civil Hospital, Ialong, hapdeng kawei ka trok (Dumper) bad ka Scooty. Ha kane ka jingjia ka la wanrah ka jingkhlad noh hashen ki arngut ki samla kiba shong da katei ka Scooty ïa kiba la tip kyrteng kum u Nehlangi Suchiang 20 snem ka rta bad u Eiseinlang Tang 25 snem rta kiba na na ka shnong Thadmuthlong B, West Jaiñtia Hills District.
Kumba long kane ka jingjia, haduh ba thoh ïa kane ka khubor na ka liang ki Pulit ki dang pynlong ka jingtohkit kaba bniah ban lap ïa ka daw jong ka jingjia kaba sngewsih.
