Shillong, Nailur 03: Ka sorkar Meghalaya mynta ka sngi ka la pan jingmut na ki paidbah halor ki mat treikam kiba ïadei bad ki nongrep ha ka jylla ïa kaba la tip kum ka “Meghalaya State Agriculture Policy”.
Ha ka kyrwoh kaba la soi da u Commissioner bad Secretary ka tnad rep ka sorkar Meghalaya la pyntip ba ïa ka Meghalaya State Agriculture Policy la buh ha ka website jong ka sorkar ban ïa tip paidbah lang baroh.
Ki riew shimet, ki kynhun ne ki seng bapher bapher lada ki don ka jingthmu ban ai jingmut ban weng ïa ki katto katne ki kyndon ne ban pynbha ïa ki katto katne ki bynta ha kane ka policy kin pynpoi ha lane shuwa ka 31/Nailur/2026.
Ïa ki jingai jingmut kin sngewbha ban phah sha kine ki address, agri-meg@gov.in/ agridpt2012@gmail.com kane ka policy ka dei kaba dang shu pynwandur dei halor kane ka sorkar ka pan jingmut lang na ki paidbah ba kin ai lada ki don.
