Lap ka kaiphod CAG ba duna ka jingpynïaid ka mang tyngka

Shillong, Nailar 30: Ka kaiphod Comptroller and Auditor General (CAG) ka pynpaw ïa ka jingduna kaba jur bha ha ka rukom pynïaid kam hapoh ka mang tyngka jong ka jylla Meghalaya na ka bynta ka snem 2024-25, ka don ruh ka jingtlot ban pyni lypa, ki jingshim rai kiba ha ka minit kaba khatduh kaba long kyrkieh bad ka jingpyndonkam bakla ïa ka pisa kaba donkam kyrkieh ne Contingency Fund (CF).
Ha ka kaiphod State Finances Audit Report ne ki jingkheiñ jingdiah halor ka pisa pilaiñ ka jylla, ka CAG ka ong ba ïa ki pisa advance la sei na ka Contingency Fund ban pynlut ïa kumba 56 tylli ki skhim. Ka jinglut baroh ka long T. 2,434.89 klur ha kaba T. 562.46 klur ka wan na ka Contingency Fund.
Haba phai ïa ki jingthmu ki bym kyrkieh, kaba la wanrah ïa ka jingbym pyndonkam ïa ki pisa (funds) bad ka jingpulom ban ïohbiang hapoh ka snem ka la pynkheiñ ïa ka Contingency Fund of Meghalaya Act, 1972, ong ka kaiphod.
Ka kaiphod ka kdew ïa ki jingïapher ba kongsan hapdeng ki Budget Estimate, Revised Estimate bad ki jingshisha (actual), kaba lam sha ka jingpynlang kaba long T. 5,671 klur. Na kane, T. 5,554 klur ne 97.94 per cent la aiti ha ka sngi kaba khatduh jong ka snem mang tyngka, kaba paw ka jingtlot ka jingkhmih ha ka shiteng snem.
Ka audit ka shem ïa ka jingsam ïa ki grant ki bym da kongsan bad ka jingpynbeit biang watba ki dang pyndonkam ne pyntreikam ïa ki kyndon kiba sdang, kaba pynhiar dor ïa ka jingthaw aiñ kaba bakla, katba ka jingpynlut bun T. 9,725.87 klur la ai jingkheiñ, hynrei la shem ba kadei ka jingshakri ka ram paidbah.
Ka jingpyntyllun ïa ka pisa kadei kawei pat ka bynta jong ka jingsngewkhia. Ka jylla ka pynneh ka pisa kaba rit kaba sah halor ki 298 tylli ki sngi da kaba shim ïa ki lad ki lynti (Ways and Means Advances) bad ki lad ban sei pisa ba kyrpang (Special Drawing Facility) kaba la kot sha ka T. 11,282.25 klur, bad siew ïa ka sut kaba T. 10.26 klur.
Ka CAG ka ong ba kane ka jinglong ka pyni ïa ka jingtlot ka mang pisa kaba shisha bad kaba ktah ïa ka jingïaid ryntih ka pisa kaba ktah ïa ka jingbiang kaba biang halor ki jingpynlut. Kumta la ai jingmut ban pynkhlaiñ ïa ki jingmang kiba don jingkhmih ïa ki jingleh ha ki por ba la dep bad ka jinglah, ka jingaiti ha ka por ïa ki saving, bad ka jingpynlut kaba bun kaba khlem ïaid thikna bad kiwei kiwei.