72 klur tyngka mang ka sorkar ban pynlut ïa ka elekshon shiteng samoi sha ka Lok Sabha

Shillong, Nailar 30: Ka tnad elekshon jong ka sorkar jylla ka la mang pisa T. 72 klur tyngka na ka bynta ka jinglut jingsep baroh ban pynlong ïa ka elekshon MP shiteng samoi sha Lok Sabha.
Ka tnad elekshon ka la pan pisa shuh na ka ïing dorkar kumba T. 58,69,52,100./- bad ïa kane ka jingpan pisa antad na ka jinglut ïa ka MP elekshon sha Lok Sabha kaba la long ha u snem 2024, kane ka long na ka bynta ki 7 tylli ki district kiba hap ha ka 1-Shillong Parliamentary (ST) Constituency.
Kane ka jingpynkhreh pisa ka long ban pynlut na ka bynta ka elekshon shiteng samoi ka dei na ka daw jong ka jingkhlad noh u MP na kane ka 1-Shillong Parliamentary (ST) Constituency ha ka 19/ Rymphang /2026.