Jowai, Nailar 30: Ka Moonongtdu SC bad Tongseng Youth SYSC ki la pynthikna ïa ka jaka ha ka Quarter final jong ka 3rd Division 2026 League Stage bala pynïaid daka East Jaiñtia Hills District Football Association (EJHDFA) hadien ba ki la jop ïa la ki jong ki jingïakhun Round-16 ha ka sngi Saitjaiñ (29 tarik u Nailar, 2026) ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Moonongtdu SC kala lah ba kan pynliem noh da 3-0 kol ïaka Wahsarang SC. Ka Moonongtdu ka la pynskhem ïa ka jingjop jong ka naduh ka kylla step, da kaba thep lai kol lyngba u Etilast Lyngdoh (19’) bad ar tylli ki kol na u u Poibiang Lamurong (28 bad 40+2’).
Nangta haka jingïakhun kaba ar hapdeng ka Umstain SSCC bad ka Tongseng Youth SYSC, ka la kut ha ka jingïakhaid, ha kaba baroh arliang ki la thep mar 1-1 kol tad haduh ba kut jong ka por ïakhun.
Ha ka jingïalehkai ka Umstain ka la pynkhihjar lyngba u Eveningland Pohshna (1’) bad ka Tongseng Youth SYSC ka la pynïakhaid noh lyngba u Fining Lyngdoh (61’).
Hadien ka jingïakhaid na ka liang ki bor pynïaid kila pynïakhun noh da ka jingïashut Tie Breaker ha kaba ka kynhun ïalehkai jong ka Tongseng Youth SYSC kala khur ïa ka jingjop da 5-4 kol.
Da ka jingjop kine ki ar kynhun mynta ka sngi kila ïoh ban rung sha ka Quarter Final jong kane ka lympung.
