SHILLONG, Nailar 26: Ka Umrynjah SC ka la mad ïa ka jingjop da 2-0 ha ka jingïakhun pyrshah ïa ka Sohiong SC hynne ka sngi Balang ha ka lympung Second Division Football league 2026 jong ka Shillong Sports Association ha Polo.
Kane ka jingïalehkai kaba la long ha MFA Ground, la sakhi ïa ka Umrynjah kaba la pynkhihjar ha baroh ar tylli ki kylla lyngba u Mihsalan Kharjana (20’) bad u Kitboklang L Marshillong (77’) ban pynliem noh ïa ka Sohiong.
Shuwa kane, ka jingïakhun ha SSA Ground hapdeng ka Sohryngkham SC bad ka Jongksha SC ka la kut ha ka jingïakhaid, ha kaba baroh arliang ki la thep mar shi kol (1-1).
Ka Joongksha ka la pynkhihjar nyngkong lyngba u Babiang Umsong (44’) katba ka Sohryngkham ka la pynïakhaid noh lyngba u Balatei Kharpran (64’).
Ki ar tylli ki jingïalehkai jong ka SSA 2nd Division Football league 2026 ha kane ka sngi Palei (27.08.2026), kaba nyngkong ha SSA Ground ha ka por 12:30 baje mynsngi ka Tynring SC kan aireng pyrshah ïa ka Lawsohtun SC; nangta ha MFA Ground ha ka por 1 baje mynsngi ka Lumshyiap SC kan aireng pyrshah ïa ka Nongrah SC.
