Jowai, Nailar 26: Ka Cham Cham SCSC bad ka Borghat SCSC ki la buh jaka ïalade ha ka Quarter final jong ka lympung phutbol Third Division 2026 League Stage, bala pynïaid daka East Jaiñtia Hills District Football Association (EJHDFA).
Kane la pynthikna hadien ba ki la jop ïa la ki jong ki jingïakhun Round-16, kiba la long hynne ka sngi Balang (26 tarik u Nailar, 2026) ha madan Artificial Ground Diengshynrum, Khliehriat.
Baroh ar tylli ki jingïakhun ki la kut ha ka jingïakhaid shuwa ba ka rai kan jam sha ka penalty shootout, ha kaba ka Cham Cham SCSC bad ka Youngstar SSC Huroi kila ïakhaid khlem haduh ba kut jong ka por ïakhun, bad ka Cham Cham SCSC kala pynskhem ïa ka jingjop da 4-3 ban pynliem ïa ka Youngstar SSC.
Kumjuh ruh ha ka jingïakhun kaba bud, hadien ka jingïakhaid kaba khlem kol haduh ba kut ka por, na ka liang ka Borghat SCSC kala lah ban pynliem noh da 4-1 ïa ka Umkiang Maya Club haka Tie Breaker.
Da kane ka jingjop, baroh ar, ka Cham Cham SCSC bad ka Borghat SCSC, ki la pynthikna ïa la ka jong ka jaka ha ka Quarter final jong kane ka lympung.
