Ka ‘Flag March’ ka ïathuh ba don ki lad jingïada bad ki paidbah kim dei ban sngewsyier, pynshai ki bor Distrik

Shillong, Nailar 23: Ki ar tylli ki kynhun pulit Rapid Action Force jong ka kynhun D/136 ki la pynlong ïa ka jingïaid “Flag March” ha kane ka nongbah Shillong ban pynthikna ïa ki paidbah ba ka don ka jingïada ban don ka shongsuk shongsaiñ.
Ha kane ka jingïaid ‘Flag March’ na ka liang jong ki bor pynïaid distrik ki la kyntu ïa ki paidbah nongshong shnong ba kin nym don kano kano ka jingsngew syier bad ba kin long kiba jai jai bad ba kin kiar na ka jingpynphriang ïa ki khubor hamsaïa ha kaba ïadei bad kane ka bynta bad ki jingjia kiba la mih ha kine ki sngi.
La ong ba kine ki kynhun pulit kiba la shah hikai bad shah pyntbit kyrpang ha ki kam ban tem ïa ki jingmih ki jinghuri hura bad ki la wan poi sha kane ka nongbah Shillong bad la pyndonkam nyngkong ïa ki ha ka 21 tarik mynta u bnai ban pahara ha ki bynta jong ka Khyndailad bad ki sawdong jong ka.
Kane ka jingïaid ‘Flag march’ kine ki kynhun pulit kaba la long ha ka sngi saitjaiñ ka la long ha ki bynta jong ka Bivar Road, sawdong ka Secretariat, sha Khyndalad bad sha Motphran bad kane ka jingïaid ka long ban pyntip sha ki paidbah ba kim dei ban syier, hynrei ki don ki lad jingïada bad ki jingshngaiñ.