Shillong, Nailar 18: Ka ophis Deputy Commissioner, East Khasi Hills District, Shillong ka khot application na ki Society kiba sngewbha bad kiba la pynrung kyrteng hapoh ki Society and Cooperative ka sorkar, nangta ki Voluntary Agency (Vas), Youth, ki Cultural Clubs bad ki Association, ki nonprofit organization, ki Socio Cultural Clubs, ki Alumni Association, ki Community Level Youth Institutions, ki seng, ki kynhun, ki registered Sports Associations & entities, ki tnat District Level ka sorkar jylla; na ka bynta ka jingpyrkhat ba kin ïoh ki lad jingïarap pisa na ka Chief Minister’s Youth Development Scheme 2025-26.
Ki kam kiba shah hapoh kane ka scheme ka kynthup ïa ki District level youth festival, ki jingpynkhuid shnong ha ki district, ki youth seminars & workshops, ki youth career counselling fair, ki industry specific expose trip, ki community regeneration volunteering programme, ki financial literacy workshop bad seminar, digital literacy workshop bad programme, ki mental well-being seminar, ki workshop bad counselling programme, ki jingïalap bad ki prokram ha ki Sport Authority of India’s Fit India Campaign, bad kaba pynlong ïa ki neighborhood Youth Parliament.
Related Posts
Ïa ki Application form bad ki jingtip ba bniah lah ban leit sha ka kamra No.311, Planning Branch, office ka Deputy Commissioner, East Khasi Hills District, ki ophis respective Block Development Officer bad na C&RD Block. Ïa ki application form lah ban download na ka official website ka East Khasi Hills District at www.eastkhasihills.gov.in.
Ki seng na ki thaiñ nongkyndong ki aiti ïa ki application form ha la ki Block Development Officer. Ka tarik ba khatduh ban aiti ïa ki application form kan long ha ka 15 tarik u Nailur 2026.
Ki jingtyrwa bva la aiti da ki seng yn khmih bniah da ka District Level Empowered Committee bad ka rai jong ka District Level Empowered Committee kaba long ka rai ba khatduh.