Don ka jingbym ïaryngkat bhah ban ailad ïa ki samla pule ban ïakhun ïa ka D.EI.Ed, kynnoh ka ASNA

Shillong, Nailar 13: Ka All Selsella NGOs’ Alliance (ASNA) ka la kyntu ïa Principal jong ka District Institute of Education & Training (DIET), Tura, ban bishar ïa ka rukom jied kaba long katkum ki block ïa ki kyrtong ki ban ïoh rung hapoh ka D.EI.Ed admission 2026-28, da kaba kdew ba ka la don ka jingmihkhmat ka bym ïaryngkat.
Ha ka jingthoh ba ki la aiti sha ka DIET Tura, ka seng ka la ong ba tang 2 ngut ki kyrtong napoh ka Selsella C&RD Block kiba la paw ha ka thup kyrteng ba khatduh jong kiba la bit, katba kiwei pat ki C&RD Block ki la ïoh bhah khambun ki seat. Ka la kynnoh ba kane ka jingïasam ka long ka bym shai ïa kito ki samla pule kiba la bit la biang bad kiba la lah ban rung hapoh DIET kiba dei jong ka Selsella.
Ka seng ka la ong ba ka Selsella ka don bun ki samla pule kiba la tbit kiba la kwah ban leit sha ka jingpule kaba 2 snem jong ka D.EI.Ed. Ka la dawa da kaba ong ba lada ïa ki jingkhot admission la pynlong da ki block, ka jingjied ka dei ban long kaba ïaryngkat bad kaba khuid ha kylleng jong baroh block khnang ba ki samla pule na Selsella kin ym duh ïa ki lad jong ki ne duh jingkyrmen.
Katei ka kynhun ka kyrpad ba ïa ka DIET dei ban khmih bniah bad bishar halor ka jingjied, ban pynthikna ka jingmihkhmat kaba ïaryngkat na baroh manla ki C&RD Block, da kaba pyrkhat ban ïoh bun ki kyrtong kiba dei hok na Selsella halor ka nongrim jong ka jingnang jingtip bad ba dei ban pynshai ïa ki rukom pynïaid kam ba pyndonkam ha kaba ai bhah ïa ki seat sha manla ki block.
Haba banjur ïa ka jingburom na ka bynta ki rukom leh ïa ki admission, ka seng ka kyrpad ïa ka jingtuklar kaba mardor ban pynthikna ïa ka lad kaba ïaryngkat bad ban ïada ïa ki samla pule na ki jingshah ieh beiñ ki samla pule na Selsella ïa ki hok ban ïoh lad jong ki.