Yn ïaid paidbah ki nongïalam BJP ryngkat bad 150 phut ka lama India shuwa ka jingrakhe sngi laitluid

Nongpoh, Nailar 11: Ka BJP Ri-Bhoi District mynta ka sngi kala pynbna ba kan pynlong ïaka jingïaid rally ryngkat ka lama India bala tip kum ka Tiranga Yatraa kaba jrong kumba 150 phut bad ka Har Ghar Tiranga haka 14 tarik mynta u bnai naduh ophis ka party kaba don ha Downgate Nongpoh haduh madan Pahamsyiem naduh ka por 10 baje mynstep.
Haba kren sha ki lad pathai khubor naka liang u Bah Silenstar Ranee Secretary ka party BJP ha Ri-Bhoi u la ong ba kum ka party kala pynkhreh naka bynta ban pynlong ka jingïaid rally ha kaba la khot sngewbha lut ïa baroh naduh ki heprit haduh ki samla bad rangbah ban shim bynta kum ka jingburom ïaka lama India bad kumjuh ruh ka mynsiem ieit ri shuwa ka jingrakhe ïaka sngi laitluid.
Ha katei ka sngi kan don ruh ka jinghikai ha madan Pahamsyiem kumno ban burom ïaka lama jong ka ri, ka national anthem bad kumno ban long ki nongshong shnong ba bha jong ka ri bad naka liang ki nongïalam ka State BJP bad kumjuh ruh na Ri-Bhoi kin sa wan ban sakhi lang ha kane ka sngi.