Nongpoh, Naitung 29: U Superintendent of Police ka Ri-Bhoi, u la pyntip ba ki pulit ka Umiam Police Station kila ioh tam ïa kawei ka metiap bym lah shuh ban ithuh bad kaba la pyut haka thaiñ MIDC hajan ka Rapsang mill, hadien bala pyntip da u Rangbah Shnong ka Umiam bala don kawei ka metiap ha kawei ka nala.
Mar mar ki pulit kila leit sha katei ka jaka ban pynlong ka jingtohkit, hynrei ym lah ban ithuh shuh bad hadien bala pyndep ïaki kyndon katkum ka aiñ, la rah noh sha jaka buh metiap ha Nongpoh Civil Hospital ban leh ïaka post mortem bad la suba ruh ba utei u briew u dei u bar jylla.
Kumba la pyntip da u SP ka Ri-Bhoi utei u briew u dei uba don ka jingjrong kumba 157cm bad phong ruh ka sopti jrong kti kaba thoh lieh bad blue, kino kino ki don jingtip shaphang utei u rangbah la kyrpad ba kin pyntip sha ki pulit ha u number 6909300160 lane ha u 6909300147.
