Jowai, Naitung 28 : Ka East Jaiñtia Hills District Football Association (EJHDFA) mynta ka lah sngi U Blei kala sdang ïa ka lympung ïalehkai jong ka kyrdan 3rd Division 2026 League Stage ha madan Artificial Ground Diengshynrum, Khliehriat. Haba phai sha ka jingïakhun kaba nyngkong ka Cham Cham SCSC kala jop da 5-0 kol ïaka Umlawang SC. Ïa ki kol na ka Cham Cham SCSC la thep da u Wanme Phawa haka minit ba 21 & 28, u Riki Phawa haka minit ba 35, u Shibun Khaii haka minit ba 56 bad u Wikris Phawa haka minit ba 65.
Ha ka jingïakhun kaba ar ka Lumputhoi SC kala jop da 3-0 ïaka Kuliang YWSC, ïa ki kol na ka Lumputhoi SC la thep da u Deimonme Lyngdoh haka minit ba 30, u Tony Lyngdoh haka minit ba 50 bad u Sa-o Lyngdoh haka minit ba 72.
Katba haka jingïakhun kaba lai ka Nongkhlein SC Huroi kala jop sa shikol 1-0 ïaka Iongkaluh SCSC, ïa katei ka shikol na ka Nongkhlein SC Huroi la thep da u Seven Pyrtuh haka minit ba 80+4.
Ha kane ka sngi sdang la wan ban donlang da ki nongkitkam ka East Jaiñtia Hills District Football Association (EJHDFA) nalor kiwei ki riew rangbah ka thaiñ bad ki paidbah nongwan peitkai.
