Shillong, Naitung 11: Ka Mahendraganj Community Health Centre (CHC) ka la phah da ka kynhun Rapid Response Team (RRT) ha ka jingleit ai jingïarap ïa ki jaka ba shlei um ha Mahendraganj.
Katei ka kynhun kaba la pynïaid da u Dr N.A. Khan, Senior Medical and Health Officer bad In-Charge jong ka Mahendraganj CHC, ka la leit ïarap ïa ki jingjia ba ïadei bad ka jingshlei um, ki la shimkhia ban pynbiang dawai dashin mar mar, ai ka lad jingïarap ha ka jingsumar bad ka jingkyrshan ban khmih bniah ïa ki jingpang ha ki jaka ba shah ktah.
Ka Rapid Response Team ka kynthup ïa u Dr N.A. Khan, ka Manisha Sangma (Nurse), Imran Haque (NCD DEO), u Mahmud Sasmal, u Hamidul Islam (Grade-IV), u Amirul Islam (Canal) bad u Rocky Kazi nongniah Ambulance.
Katei ka kynhun ka la ïakren bad ka District Medical bad Health Officer, South West Garo Hills, lem bad ka copy kaba la dep ai sha u Deputy Commissioner, South West Garo Hills.
Ka jingthmu jong kane ka prokram ka long ban pynthikna ïa ka jingsumar kaba kloi bad kaba janai khlem sangeh na ka bynta ki briew kiba shah ktah na ka jingshlei um kiba dang jia.
