Ba julor ka jingkieng ha Assam la khang shipor ban ïaid ki kali na surokbah NH6 EJHD shaduh Silchar

Khliehriat, Jylliew 29 : Katkum ka jingpyntip ba la ioh na u Tool Manager jong ka National Highway Authority of India, u Laxman Baniwar, u la ong ba na ka daw ka jingjulor kawei ka jingkieng iaid kali kaba don ha Kalain, Assam, ki kali kim lah shuh ban iaid na shiliang sha shiliang, ki bor ba dei peit jong ka NHAI ki ong ba yn khang shwa mynta shipor ïa ka jingiaid ki kali kiba wan naduh Jowai ter ter shaduh Silchar (Assam).
La iathuh ruh ba ka julor jong katei ka jingkieng ha Assam ka la jia hynnin ka sngi bad ka jingjulor ka la jur bha bad ktah ïa ka leit ka wan jong ki kali kiba iaid lyngba na kane ka surok kiba wan iaid lyngba na ka surok NH-6 East Jaiñtia Hills District sha Kalain ter ter shaduh Silchar Assam.