Ki samla ki lah ban pynshongshit ïa ka elekshon hynrei kaba kongsan dei ki nongthep vote: Kyrmen

Shillong, Jylliew 28 : Man la uwei ba kawei na ki nongthep vote khlem da niew ïa ka rta jongki ki dei ki nongrai ïa ka rem ak jop ha ka por election ong u ma Kyrmen Shylla ha ka Sngi Thohdieng da kab ong ruh baki samla ki lah ban pynshongshit ïa ka election hynrei kaba khatduh ka shong ha ki nongthep vote shano ki noh.
Haba jubab halor ka bynta jong ki samla ha ka por election u ma Kyrmen u la ong ba ïa kane ym lah ban peit tang na kawei ka phang . “ Namar ha kaba ïadei hi bad ka election man la uwei pa kawei na ki nongthep vote ki don la ka jongka bynta . Ngim lah ban niew tang ïa ki samla ne tang ïa ki rangbah namar man la uwei pa kawei ki don la ka jongka bynta” ong u ma Kyrmen.
U Ma Kyrmen u la ong ba ki nongshong shnong kiba la palat ka 18 snem ka rta ki don ka hok ban ïoh thep vote bad ki don ka hok ban jied ïa uno uno kum u nongmihkhmat jongki. U la ong hooid lehse kin kham bun ki samla ha kane ka jylla bad wat ha ka ri hi ruh hynrei kane kam lah ban long ban shu leh klet pat ïa kiwei ki nongthep vote.
“ Baroh kil ong kiba donkam bha. Hooid namar ki samla ki kham bun lehse kaei kaba ki phai ne pyrkhat kan wanrah hi ka jingkylla ha ka jingjied ïa ki nongmihkhmat” ong biang u ma Kyrmen.
U la ong ka bor jong ki samla kam dei eh tang ha u 2028 hynrei ha man la ki election hi ki don la ka jong ka bor ne ka bynta.