Ka Special Intensive Revision, (SIR), 2026 Enumeration ha West Jaiñtia Hills District

Jowai, Jylliew 28: U Deputy Commissioner (Election), West Jaiñtia Hills ula pyntip ba ka Election Commission jong ka sorkar India ka la bthah ban pynlong ïa ka Special Intensive Revision (SIR), 2026 jong ka Election Roll ha baroh ki Jylla. Kum shi bynta kane ka jingbthah, yn pynlong ïa ka Special Intensive Revision (SIR), 2026 ha kine 5 tylli Assembly Constituencies hapoh West Jaiñtia Hills District kata ïaka 1- Nartiang Assembly Constituency, 2- Jowai Assembly Constituency, 3- Raliang Assembly Constituency, 4- Mowkaiaw Assembly Constituency bad 7- Amlarem Assembly Constituency.
Na ka liang ki Booth Level Officers (BLOs) kin sa leit mih sha ki ïing ki sem jong ki nongshnong (house to house enumeration) ban lum jintip jong ki naduh ka 30 tarik u Jylliew 2026 haduh ka 29 tarik u Naitung,2026 bad kin sam ïa ka Enumeration Form sha baroh ki nongthep vote kiba don kyrteng lypa ha ka Electoral Roll. Hadien ba la pyndap ïa ka form, ki BLO ki lum ïa kawei ka copy katba kawei pat yn bat da u nongthep vote hadien ba u la soi kyrteng kum ka dak ba u la pdiang ïa ka.
Ïa ki Enumeration Forms kiba la pynphai da ki BLO, ki Electoral Registration Officers (EROs) kin pynkhreh ïa ka Draft Electoral Roll, kaban pynmih paidbah ha 5 tarik u Nailar, 2026.
Na ka bynta ki jingujor (claims & objections) lada don lah ban wanrah naduh 5 tarik u Nailar, 2026 haduh 4 tarik u Nailur 2026. Ka jingbishar bad ban pynbeit ïa kine claims bad objections kan long naduh 5 tarik un Nailar,2026 haduh 3 tarik u Risaw, 2026.
Ka Final Electoral Roll, da kaba shim ïa ka 01.10.2026 kum ka qualifying date, yn pynmih paidbah ha ka 7 tarik u Risaw, 2026.
U Deputy Commissioner u la kyrpad ïa baroh ki paidbah ba kin ai ïa ka jingïatreilang kaba pura bad ki Booth Level Officers (BLOs) ryngkat bad ka District Administration, khnang ba ka Special Intensive Revision (SIR), 2026 kan long kaba ïaid beit ïaid ryntih bad ka jing jop.