Jowai, Lber 23: Ka kynhun ïalehkai jong ka YBSC Shella mynta ka sngi kala lah ban pynliem ïa ka Seng Samla Pyllonging-khaw FC da ka jingïashut Tie Breaker da 4-2 kol, ha ka lympung ïalehkai phut bol ba la tip kum ka ‘6th Invitation Wahiajer Football Tournament 2022’ ïa kaba la pynïaid da ka Wahiajer Sport Club.
Haba phai sha ka jingïakhun hapdeng kine ki ar kynhun kala long kaba ïakhait bha naduh basdang tad haduh ban da kut ka por ïalehkai kiba la ïoh thep da mar 1-1 kol, ïa ka kol ba nyngkong la thep da ka Seng Samla Pyllongingkhaw FC lyngba u Pyntgen Nongrum haka minute kaba 44, hynrei ka YBSC Shella kala ïoh ban pynphai kylla ïa katei ka shi kol da u Brilliant Chyne haka minute wa 50.
Ïa ka nam Man of the Match ha kane kane ka sngi ka ïoh da u Adarsh Thapa u rang ïalehkai ka ka YBSC Shella, katba ïa ka khusnam la sam da ma Dauni Phawa uba dei u General secretary ka Futsal Association Of Meghalaya bad u Secretary ba rim ka Wahiajer Sport Club.
La pyntip ba ka jingïa khun lashai ka sngi 24/3/2022 kan long hapdeng ka Azariah FC pyrshah ïa ka Da-I-hi SC haka por 2 baje nohphai sngi.
