Shillong, Jylliew 01: Ki nongshong shnong kiba don ka jingpang met pang phad, kiba don ki jingdait ha ki joint bad kiwei ki la ïoh ki jingsumar kiba khlem donkam siew ha ki ïing jong ki na ka Rotary Club of Orchid City Shillong kaba la buh ïa ka physiotherapy camp ha Ïew Laitumkhrah.
Ba la pynïaid da ka Elite Physiotherapy Clinic, kane ka jingai sumar lawan da Dr I Synnah bad ka kynhun jong ka kiba la khmih bniah ïa kiba pang, ki la tyrwa ruh ïa ki jingïasyllok bad sdang ruh ïa ki jingwad bniah kiba sdang ha jaka. Ka kynhun ka la ai ruh ïa ka ultrasonication therapy bad hikai ruh ïa ki exercise halor ki jinglong jingman jong ki riew shimet.
Na ka liang ki nongpynïaid ki la ong ba ka jingthmu ka long ban pynkhlaiñ ki jingai jinghikai halor ka physiotherapy bad ki lad jingïada ha ka por ba ai jingsumar halor ki jingeh ba ïadei bad ka musculoskeletal ba ju jia khlem da ïoh ki lad jingsumar na ka daw ka jingrem ka dor ne kiwei pat ki jingeh.
Na ka liang ka Rotary Club ha ka kyrwoh khubor ka la ong ba kum kine ki juh ki camp la pyrkhat ban wanrah ka jinglait na ki jngeh haba ïadei bad ki jingpang bad ban ai ki lad jingsumar bad ki jingshakri ha nongbah Shillong.
