Ka sha jyrngam ne ka green tea ka long kawei napdeng ki jait jingdih kiba tei ha ka liang ka koit ka khiah, hynrei ka long kaba ma bad kaba ktah lada dih palat pud. Ka dei sha kaba aijingmyntoi ha ka liang ka koit ka khiah. Kham bunsien ki briew ki dih ka green tea na ka bynta ka jinglah ban pynduna jingkhia. Ka Green tea ka dei kaba dap da ka nam ba bha suda. Ka green tea ka dei kaba dap da ka jingdon ki antioxidant kaba lah ban ai jingmyntoi shibun ha ka liang ka koit ka khiah.
Ha kajuh ka por ruh ka dei kaba lah ban ïaleh pyrshah halor ka jingkiew ka jinglong tyrha. Ki don bunjait ki compound ha ka green tea. Ka dei kaba lah aibor halor ka jingtreikam ka bor jabieng. Ka sha green tea ka dei kaba lah ruh ban pynduna ka jingma na kiba bun jait ki jingpang bampong. Ka jingmyntoi ba ngi lah ban ïoh na ka green tea ka dei kaba janai shisha. Ha kajuh ka por ka ïarap ruh na ka bynta ban pynduna ka jingma na ka jingpang klongsnam.
Ka jinghiar ka jingkhia ka long kawei napdeng ki jingmyntoi kiba paw ba ngi lah ban ïoh lyngba ka jingdih ïa ka green tea. Ka dei kaba aibor ruh halor ka jingtreikam hapoh ka met kaba pynduna halor ka jingdon ka fat. Kum shibynta bal ah ban pynhiar ka jingkhia, ki don bun ki briew kiba dih da ka green tea palat ban ïa kaba dei ban dih. Hynrei kane kam long satia kaba bha.
Ka sha jyrngam ne ka green tea ka dei kaba lah ban ai jingmyntoi shibun ha ka liang ka koit ka khiah hynrei lada dih palat ka dei kaba lah ban wallam kiba bun ki jingshah ktah ha ka liang ka koit ka khiah. Ki don shibun ki jingshah ktah ha ka liang ka koit ka khiah na ka jingdih palat ka green tea bad lada kane ka jingdih ka neh slem. Napdeng ki katto katne ki jingshah ktah ki kynthup.
Ki jingktah na ka jingdih palat ka Green Tea: Ka jingkiew ka acid. Ka jingdih palat ka green tea khamtam ha ka por ba dang thylli kpoh ka lah ban ktah kylla ïa ka koit ka khiah ïa ka kpoh namar wallam ka jingdap lyerbad kiwei de ki jingshitom. Kumta, ka Green Tea kam long kaba bha ban dih ha kapor ba dang thylli ka kpoh.
Sa kiwei pat ki jingshah ktah ba mih na ka green tea ka dei kaba lah ban ktah ka long ka jingduna ban kjit ïa ka iron. Ka jingdon ka Catechin ha ka green tea ka pynduna ka bor kjit ka met ïa ka iron na ki jingbam. Kumta ka long kaba donkam ban kiar ban dih palat ka green tea.
Ka jingbun palat ka caffeine: Ka jingpynrung bun palat ka caffeine na jigdih Green Tea ka lah ban ktah ïa ka koit ka khiah ha kiba bun ki liang. Ka lah ban pynthut ïa ka jingïohthiah bad jingthlia kpoh. Namarkata, ka jingpynrung bad ban biang ka caffeine lyngba ka green tea ym dei ban dih palat ka sha jyrngam.
Ka jingktha khlieh: Ka jingdih palat ka green tea ka kyntiew ia ka jingbun ka caffeine bad kane ka don jingïadei bad ka jingktha khlieh bad jingtlot bad prie..
