Namar ka jingbym biang ka surok kynjah ka jingwan ki nongshangkai suwari sha Nongkhnum

Nongstoiñ, Jymmang 17: Ka dewlynnong Nongkhunum ka dei ka jaka jngoh kai pyrthei kaba la paw bha hapoh West Khasi hills bad ha ki snem ba mynshuwa ka jingtuid ki nong jngohkai sha katei ka thaiñ ka long man la ka sngi hynrei ha kine ki snem ka la kynjah jar namar ka surok ka la jot rathai.
Ha kine ki sngi ba la dep ha ka jingleit jurip jong u nongthohkhubor jong u Mawphor la lap ba naduh Nongjyllieh ,Tynrongladew, Lawse, Sohparu ter ter haduh Nongkhnum katei ka surok ka la jot rathai.
Ha ki snem ba mynshuwa ha ka por ba katei ka surok kam pat sniew ki nong jngoh kai na kylleng ki jaka jong ka jylla bad kiba nabar jylla man la ka sngi ki tuid ban leit shang suwari sha ka dewlyngong Nongkhnum ha bad ki paitbah nong shnong shnong katei ka thaiñ ki la sdang ban kiew ha ka ïoh ka kot hynrei naduh ba katei ka surok ka la jot ka ïoh ka kot ka la sdang ban hiar arsut.
Nalor kata ha ka shnong Sohparu ka sorkar ka la dep theh ïa ki jingïarap kiba bun kum ka Eklavya Vidyalaya Residential School, ka Industrial Training centre na ka bynta ban pyntbit ïa ki samla ha ki ba bun jait ki kam bad ka la don ruh ka Sub health centre, bad kiwei kiwei ki projek ba ka sorkar ka la pynlut da ki klur tyngka hynrei ki shu sah khongreng namar ba haduh mynta ym pat don nogntrei satia.
Haba phai ha ka jingdon jong ki jaka ngohkai ka West Khasi hills ka dei ka district kaba don shibun ki jaka jngohkai kiba itynnad hynrei na ka jingbym shim khia jong ki bor sorkar ban moramot bad pynbha ïa ki surok ki ban pynpoi sha ki jaka jngohkai ka pynlong ïa ki briew na ikiwei pat ki jylla bad wat ïa kiba napoh ka jylla ruh ba kin kyntait ban leit.
Ha kaba ïadei bad ka jingpynbha ïa ki surok kiba pynpoi shaduh ki jaka jngohkai ka long kaba don kam bad na ka liang ka sorkar ruh na ka por sha ka por ka ju pynsgew sha ki paitbah ba ka jingtuid jong ki nongwan jngohkai sha ka jylla ka kyntiew ïa ka ïoh ka kot bad ka kamai kajih hynrei lada ïa ki surok kam lah ban pynbha kajing don jong ki jaka jngohkai kam don jingmt satia.