Kynnoh u Kpa ba ïap u khun na ka jingshah bom dusmon ha u Rangbah Shnong bad ki VDP

Shillong, Jymmang 15: U Bah Netnobiweit Khongsdoh naka shnong Pynter, East Khasi Hills ula kyntait ïa ka jingkam ki katto katne ba u khun jong u, u khlad namar ka jingbam da ki kynja ïit.
U Bah Netnobiweit ula kynnoh ba u khun jong u, u Trophimos Khongmawloh ula khlad namar ka jingshah bom shah tied ha u Rangbah Shnong ka shnong Pynter u Bah Fullmoon Khongsdoh lem bad katto katne ki dkhot Village Defence Party (VDP) ïa kaba u tip kyrteng tang uwei kata u Batista Nongrum.
Haba kren shaki lad pathai khubor ha Shillong u Bah Netnobiweit ula ong ba ka jingwan mih jong u sha Shillong ka dei namar ba u kwah ban pyntip paidbah ba u khun jong u, u khlad namar ba u la shah bom shah tied ha u Rangbah Shnong Pynter bad ki dkhot ka VDP.
“Nga kwah ba kane ka jingjia ïa u khun jong nga kan poi sha ki bor ba halor bad nga la dep ruh ban ujor da ka ejahar khnang ba ka aiñ kan leh ïa ka ba donkam” la ong u Bah Netnobiweit.
Ula ïathuh ba ula dep ban ujor da ka ejahar ha Pynursla Police Station ha ka 5 tarik halor kane ka jingshah shoh u khun jong u.
“Hooid don kiba kynnoh ba u iap ba bam ïit, hynrei kumba paw ha ka Video ngam ngeit ba u iap ba bam ïit, u ïoh ïit nangno, haba haka Video la ïohi shai ba u shah shoh shah dat” ula ong.