Register case ki pulit ki jingjia ba shah tuh ki scooty ha kylleng ka nongbah Shillong

Shillong, Ïaïong 29: Ki pulit man ka sngi ki la ïoh ïa ki jingujor na ki briew ha kaba ïadei bad ka ka jingshah tuh ki Scotty na ki jaka bapher bapher jong kane ka nongbah Shillong haba ki nongtuh kim salia ban leit sei na phyllaw ïing ruh.
Tang ha kine khyndiat sngi lai tylli ki Scotty kila shah tuh na ki jaka bapher bapher na kane ka nongbah Shillong, u Biki Hinge ha ka 25/4/2026 u la ujor sha ki pulit ba ka Scotty jong u kaba don ïa u nombar ML-04 D-9083 ka la shah tuh na Lummawrie, Laitumkhrah, Shillong.
U Ashok Thapa u la ujor sha ki pulit ba ha ka 25/4/2026 por 7.00 baje mynmiet ki briew kiba ym lah ban tip kila tuh ïa ka bike jong u kaba don ïa u ML-05Z-5073 ka la shah tuh ha ki riew sniew na Upper Mawprem Shillong.
Ha ka 26/4/2026 u Bah Neville Sohtun u la ujor sha ki pulit ba ki briew kiba ym lah ban tip kila tuh ïa ka bike jong u kaba don ïa u nombar ML-05AF-5130 na Windermere, Nongrah, Shillong. Ki pulit kila register ïa kine ki jingujor bad ka jingtohkit ka dang ïaid shakhmat ha kaba ïadei bad kane ka bynta.