Shillong, Ïaiong 30 : Ka NPP Meghalaya State Unit ha ka sngi Palei ka la jied bad pynskhem ïa u Bah Gigur Myrthong kum u President ban peit ïa ka jingtreikam bad khamtam eh ban pynkhlain ïa ka party ha ka West Khasi Hills baroh kawei.
Ïa ki nongkitkam ba thymmai baroh la wan bna pynskhem da u State Working President ka Party, Bah Hamlet Dohling ha ryngkat ka jingdonlang u MLA ka Nongstoin, Bah Gabriel Wahlang, Bah Lurshai Kharbani MDC, Bah HM Shangpliang, Bah Kit Nongrem Secretary NPP bad Bah Sharai Warjri ba dei u Secretary ka NPYF nalor kiwei kiwei.
Kiwei pat ki nongïalam ba hakhmat kiba la pynskhem ha kane ka sngi ki kynthup ïa u Bah Gardinal Sohshang, Bah Maiantis Mawlot bad Bah Bormanding Nonglang kum ki Working President.
Ïa ka kam Vice President pat la jied ïa u Bah Farlan Langrin, Bah Yontis Lyngdoh bad Bah MJ Sangma. Ki General Secretary pat ki kynthup ïa u Bah Petrus Hashah, Bah Apsharai Syiem, Bah Senterning Wanniang bad bah Fourteen Lyngkhoi.
Nalor kine la jied ruh sa 45 ngut ban long kum ki Executive Member.
Kane ka long katkum ka kyrwoh ba la phah da u Working President, Bah Hamlet Dohling.
