Shillong, Ïaïong 30: Ka khubor ba la ïoh na ki pulit la ïathuh ba u Biki Hinge u la phah ka jingujor ba ha ka 25 tarik mynta u bnai ha ka por kumba 3 baje mynstep ki runar bym lah ban ithuh ki la tuh ïa ka scooter jong u kaba don u nombar ML-04D-9083 na Lummawrie, Laitumkhrah, Shillong.
Ha kawei pat ka jingjia u Ashok Thapa u la phah ka jingujor ba ha ka 24 tarik mynta u bnai ha ka por 7 baje mynmiet, ki runar bym lah ban ithuh ki la tuh ïa ka thuk thuk jong u kaba don u nombar ML-05Z-5073 na Upper Mawprem, Shillong.
Shuh shuh ha kawei pat ka jingjia, na ka liang jong ki pulit ki la ïathuh ba ha ka 26 tarik mynta u bnai ha ka por kumba 11.15 baje mynmiet, u Bah Neville Sohtun ua la pyntip sha ki pulit ba ki la don ki runar bym lah ban ithuh ki la tuh ïa ka thuk thuk jong u kaba don u nombar ML-05AF-5130 na Windermere, Nongrah, Shillong.
Ha kawei pat ka jingjia ha ka 25 tarik mynta u bnai ha ka por 6.40 baje janmiet, u Rajesh Rampal u la pyntip sha ki pulit ba ki runar bym lah ban ithuh ki la tuh ïa ki waïar electric, ki switch box, bad kiwei kiwei ki tiar, ha kaba ka jinglut baroh ka la kot sha ka T. 1.5 lak na Kench’s Trace, Shillong.
