Dang ïapynbeit ka Meghalaya bad Assam halor ka jingthut ka kit ka bah ha ri lum Garo

Shillong Iaiong 28: Ki Sorkar Jylla jong ka Meghalaya bad Assam ki dang ïatreilang ban pynbeit ïa kino kino ki jingthud jong ka jingkit ïa ki mar ki mata sha ka thaiñ Garo Hills.
Haba pyntip ïa kane hynne ka sngi Baar, u Symbud Myntri Rangbah ka Jylla u Bah Prestone Tynsong ula ong, “Mynta ngi lah shim khia ïa kane bad ka sorkar Assam bad baroh ar ki sorkar jong ka Assam bad Meghalaya ki la ïatreilang bad ngin sa pynbeit ïa kane ka mat namar ba ka la mih ka jingbym ïasngewthuh jingmut kaba lah dei na katei kawei ka liang ne na ka liang ka jong ngi, hynrei ngin sa ïa pynbeit noh bad ngin pynthikna ba kam dei ban don kano kano ka kam ka ban khang ïa ka jingkit ïa ki mar ki mata ha shi lynter jong ka thaiñ ha rilum Garo”.
Ula ong, ba baroh artylli ki jylla kila ïatreilang ban tehlakam ba kam dei ban don kano kano ka jingshah pynsangeh bad ban pynthikna ba ka jingkit ïa ki mar kam dei ban shah pynthud.
Kane ka jingai jingkular ka la mih hadien ba ka la mih ka jingsngewkhia ha kaba ïadei bad ka jingkit ïa ki mar ha shi lynter jong ka rilum Garo.