Shillong, Ïaïong 27: Ka National Human Rights Commission (NHRC), India ka la buh ïa ka thong ban pynlong ïa ka jingïakob pynmih phlim ba lyngkot halor ki hok jong ki longbriew manbriew ha ka snem 2015. Na ka bynta ka edition kaba 12 jong ka, kadei ha une u snem 2026, kumta la khot ïa ki online entry na ki nongshong shnong jong ka ri khlem da kheiñ ïa ka rta na kano kano ka kynhun.
Ka khusnam kan long da ka pisa ha kaba kiba poi ha ka kyrdan kaba nyngkong, baar abd kaba lai kiba ïoh ïa ka best film kin ïoh T. 2 lak, T. 1 lak 50 hajar bad T. 1 lak kumjuh.
La ong ba ka Commission, kum ban bynrap shuh shuh nalor kine ki khusnam da ka pisa, ki jingai syrnot bad ki trophy, ka lah ruh ban pyrkhat ban ai da ka ‘Certificate of Special Mention’ ha ryngkatlang bad ka khusnam kaba dei ka pisa kumba T. 50,000/- iwei iwei kaba bun tam ka long kumba 4 tylli ki phlim, bad kane ka lah ruh ban long lada mynjur da ki nongbishar.
Ka tarik ba khatduh ban pdiang ïa ki entry kan dei ha ka 30 tarik u bnai Jylliew, 2026. Ïa ki Entry dei ban phah da ka online ha ka nhrcshortfilm@gmail.com, da kaba pyndonkam ïa ka Google drive.
Ïa ki copy jong ki kyndon bad ïa ki application form lah ban download napoh ka NHRC website: https://nhrc.nic.in, lane na ka link: https://nhrc.nic.in/flipbook/files/255.
