Shillong, Ïaïong 25: Ki ophisar ki shipai BSF, D-Coy, 4th Bn., BOP Pyrdiwah ki la phah ka jingujor ba ha ka janmiet jong ka 8 tarik mynta u bnai, uwei u shipai ïada pud (BSF personnel) uba don ha ka jingïaid pahara u la shem ba artylli ki Sub-Pillar bad 5 tylli ki T-Pillar la shem ba ki la jah na ka jaka ba shilynter ka jaka ba pynïasoh jong ka BP No. 1270/6-S (Sub-Pillar) shaduh ka 1272/MP (Main Pillar).
Ha kaba ïadei bad kane ka jingjia, ki shipai ïada pud ki la ïathuh pat ba kham hadien pat na ka liang ki shipai BSF ki la lap bad shem uwei u Sub-Pillar No. 1271/7-S na ka jaka kaba jngai kumba 50 Mtr na u pud u sam ka ri kaba phai sha ka liang jong ka ri Bangladesh.
