Shillong, Ïaïong 20: Ki pulit ki la ïathuh ba u Roshan Kumar Roy u la phah ka jingujor ba ha ka shiteng miet jong ka 17 tarik mynta u bnai, ki runar bym lah ban ithuh ki la prong hapoh ka ïing sah jong u kaba ha Oxford Hills, Shillong bad ki la tuh ïa ka ksiar, ka pisa bad ka mobile phone, nalor kiwei kiwei.
Shuh shuh ha kawei pat ka jingjia, u Suresh Singh u la phah ka jingujor sha ki pulit ba ha ka 17 tarik mynta u bnai ki runar bym lah ban ithuh ki la prong hapoh ka iing jong u kaba ha Lower Maxwelton compound, Zikzak Road, Shillong bad ki la tuh ka ksiar bad ka pisa.
