Don kumba 92 ngut ki briew na Meghalaya bad 58 tylli ki hati khlaw kila khlad na ka jingïatyngkhuh

Shillong, Ïaiong 12: Ka jylla Meghalaya kat kum ka thup lum jingtip ne ka record ka la don ka jingïap jong ki 92 ngut ki briew bad 58 ngut ki hati namar ka jingïatyngkhuh hapdeng ki briew bad ki hati ha kine ki 16 snem ba la dep, kaba pyni ïa ka jingïakynad kaba dang ïai bteng, watla ka long kaba kham duna, ha ka jylla.
Katkum ka jingwad bniah jong ka ri baroh kawei, baroh ki don 7,868 ngut ki briew kiba la ïap ha ki jingïatyngkhuh bad ki hati ha kylleng ki 16 tylli ki jylla hapdeng u snem 2009 haduh 2024, kaba long haduh 492 ngut kiba ïap man la u snem.
Ka Odisha, la iathuh ba ka jingiap, ka long 1,495ngut, bud sa ka West Bengal (1,306 ngut), ka Jharkhand (1,205 ngut) bad ka Assam (1,161ngut), ha kaba kine ki saw tylli ki jylla lang, ki don haduh 70 percent na baroh kiba iap.
Jylla kum ka Tamil Nadu (747 ngut), Chhattisgarh (782 ngut) bad Karnataka (520 ngut) ki la pynpaw ïa ka jingkheiñ kaba long pdeng, katba ha Kerala (290 ngut), Meghalaya (92 ngut) bad Uttarakhand (132 ngut) ki kham duna hynrei ka ïaid beit. Ki don tang khyndiat eh ki jingjia ba la ioh jingtip na Nagaland (9 ngut), Tripura (13 ngut) bad Maharashtra (17 ngut).
jingwad bniah ka pynpaw ruh ba ka jingïap jong ki hati ha kylleng ka ri ka dei kaba la pynlong kham bunsien na ki daw kiba ïadei bad ki briew, ha kaba ka jingshah bat bording ka mih kum ka daw kaba kongsan. Ha Meghalaya, bunsien ka jingiap jong ki hati ka dei kaba iadei bad ka jingshah bat ha ka bording bad ka jingshah tynrah ha ka rel, kaba pyni ia ki jingma kiba lah ban mih na ki jingtei bording ha ki jaka ba don khlaw.
Ka seng Biodiversity na Assam Aaranyak ka la trei ha Meghalaya ban ai ki lad ki lynti kiba treikam na ka bynta ban pynduna ia ka jingialeh hapdeng ki briew bad ki hati bad kumjuh ruh ban kyntiew ia ka jingsumar bad pynneh pynsah ïa ka mariang ha ka jylla.