Shillong, Ïaïong 12: Ka tnat Sam Bam ka sorkar Meghalaya ka la bthah ïa baroh ki Deputy Commissioner jong ki district ban wanrah ïa ka jingkhuid jingsuba ha kaba pyntreikam ïa ka skhim “National Food Security Act”.
Haba phai sha ka East Khasi Hills District ka ophis jong ka Deputy Commissioner ka la phah ïa ka shithi sha baroh kiba sam ïa u khaw rashon ba kin sangeh noh ka jingsam ïa u khaw sha kito kiba khlem pat pyndep ban leh ïa ka e-KYC.
La bthah ïa ki nongsam khaw rashon ba kin pyntip sha ka tnat sam bam ïa ka bhah kaba khlem sam ïa u khaw namar ka jingbym leh ïa ka e-KYC bad ïa kane ki dei ban ai jingkheiñ man la u bnai khnang ba ka ophis jong ka Deputy Commissioner kan dup lah ban ai jingkheiñ sha ka tnad sam bam.
Ha ka shithi kaba la phah sha kiba sam khaw rashon la maham ruh ïa ki ba lada ki don kiba pynkheiñ ïa kane ka hukum kin ngat ha ka jingshah pynshitom katkum ki kyndon jong ka aiñ, ïa kane ka hukum la pynmih ha ka 11 tarik, Lber 2026.
