Bthah ka Estimate Committee ka Assembly ïa ka tnad Pulit ban pyndep kloi ïa ki projek tei jingtei

Shillong, Iaiong 11 : Ka Assembly Estimates Committee ka la bthah ïa ka Agency ba pyntrei ïa ki project kiba hap hapoh ka tnat kam pohïing (Police) ba kin pynkloi noh ïa ki jingtrei jong ki project tei jingtei ha Jylla.
“Ngi la ïakren halor ki jingtei kiba la shna ha ka Jylla, la ka long ha ka thaiñ Khasi-Jaintia ne ha ka thaiñ Garo,” ong u Chairman ka Estimate Committee u Bah Mayralborn Syiem.
“Ngi la bthah ïa ki ban leh kloi katba lah khnang ba kin pyndep ïa ka jingdonkam katkum ki kyndon ba la buh ha ka mang tyngka u snem ba la dep.”Ka Committee ka la kyntu ïa ka Engineering Wing jong ka Police Headquarter bad MGCC ba kin buh hakhmat eh ïa ki projek, ban pynthikna ban pyndep ha ka por bala buh.
U Bah Mayralborn u la ban jur ïa ka jingdonkam ban leh stet ha ka jingpyndonkam ïa ka mang tyngka ba la mynjur.