14 snem hukum ka ïingbishar ban set phatok ïa ki arngut kiba donkti leh runar ïa ka khynnah

Shillong, Iaiong 11 : Ka Iing Bishar lyngba ka Special Judge (POCSO) ka East Khasi Hills, Kong R Rymbai, ka la hukum ban set phatok 14 snem ïa ki arngut ki briew kiba donkti ban leh be-ijot ïa kawei ka khynnah.
Kat kum ka jingpyntip u Superintendent of Police ka District, ïa ka ejahar la ïoh ban pdiang ha Madanrting Police Station ha ka 30 tarik Nailur 2018, ba kynnoh ba arngut ki briew u Kamkhothang Simte bad Thangngin Simte ki la leh be-ijot bun sien ïa ka khun jong u nongujor.
ïa ka case la register hapoh ka kyndon 5(1)/6 jong ka POCSO Act pule lang bad ka kyndon 506 IPC.
Hadien ka jingtohkit da ka WPSI P Wahlang, kaba don mynta ha Rynjah Police Station, la kem ïa kine ki nongshah kynnoh bad la pyndep ïa ka chargesheet ha ka 20 tarik Rymphang 2019.
Ha ka 8 tarik Iaiong 2026, ka ïing Bishar ka la rai pynrem ïa kine ki briew ha ka Special POCSO Case No 47 jong u snem 2019.
“Kine ki arngut kin hap shong phatok 14 snem bad lada kim siew ïa ka kuna, kin hap ban shong sa hynriew bnai namar ki kam bymman ba pynshitom kat kum ka kyndon 6 jong ka POCSO Act” ula ong.
U Kamkhothang Simte ula shah rai set phatok ruh sa arsnem bad lada ym lah siew kuna, yn hap shong sa lai bnai ha phatok namar ki kam bymman ba pynsajia hapoh ka kyndon 506 IPC.