Shillong, Naitung, 14: Ka sorkar MDA ka phaikhmat ban pynlait ïa ki paid nongshong shnong na ka jingjynjar ban pyndap umdih ha la ïing la sem namar ki hap ban leit tong um na shajngai ban ïoh umdih. Kumta ban pynkut ïa kane ka jingeh ki paidbah ha kaba kut jong u snem 2019, ka Sorkar Meghalaya kala pyntreikam ïaka Jal Jeevan Mission ban weng ïaki jingeh ha kaba ki la ïakynduhda ki nongshong shnong. Kumta da ka jingtrei shitom tang hapoh ki ar snem kumba 40 % la lah ban pynpoi umdih shaki thliew iing ki briew bad ia kaba sah yn sa pyndep noh shen.
Da ka jingmih na ka jingtreikam ïaineh bad ka jingtrei shitom ka sorkar jylla, ka Jal Jeevan Mission kala long kaba jop ha ka ban pynduna ïaka jingeh ba ia dei bad ka umbam umdih haka jylla. Lyngba kane ka mission ki ar tylli ki shnong ka Aminda Simsanggre bad ka Chambagre ha West Garo Hills ki la ïoh ïaka khusnam Best Village Panchayat ha ka National Waters Awards ha ka kyrdan ba ar bad ba lai.
Kum ka nuksa ka Renoobala Marak, kawei na ki longkmie kaba na South Garo Hills Meghalaya, ka hap ban ïaid jngai bad kiew artet ban leit tong um. Kane ka mut ba kaba bun na ka por jong ka la hap ban pynlut ha kaba pyndap um ha ïing. Ka jingjynjar ban leit tong um bad ban kiew artet ka long ka bym lah ban mutdur. Hynrei ha kum kane ka rukom, ki khynnah bad ki kynthei ki bunkam tang ha kaba leit tong um ban ïa kaba pynlut por ha kaba trei ïa kiwei pat ki kam ban kamai jakpoh lane jingpule. Te kumta ka jingïashim bynta ki kynthei ha ki mission project ka duna bha, ka jingsangeh pule ki khhynnah ka kham kiew ban ïa kaba ju long.
`Haba kren halor ka jingjop, u Conrad K Sangma, Myntri Rangbah ka jylla, u la pyntip, “Naduh hyndai hynthai, ka Meghalaya ka dei ka jaka kaba don bun eh ki um kiba mih na ka mariang kiba khuid tam ha ka pyrthei. Hynrei, kumba ju long ha kiwei pat ki jaka lum, ki briew ha Meghalaya, khamtam ki kynthei bad khynnah, ki ïakynduh shibun ki jingeh ban ïoh ïa ka umbam umdih sha jngai na la ïing la sem. Ban ïoh ïa ka um ka bakhuid ka dei ka ba donkam eh haka jingim briew. Ka don ruh ka jingktah haka imlang sahlang bad ka ioh ka kot. Kumta kawei na ki mat bakongsn tam jong ka Sorkar ban pynsuk ïa ka jingshem jynjar ki nongshong shnong ka Meghalaya ka long lyngba kane ka mission. Kane kan ïarap ban kyntiew ïaka roi ka par ka jylla ha ki liang baroh.
Haba ka sorkar Meghalaya kala sdang ban pyntreikam ïa kane, ki la ïakynduh shibun ki jingeh, shwa u snem 2019, tang kumba 4,554 tylli ki longïing ki la ïoh umkor haduh ha ïing, kane ka , thew, ba tang kumba 0,77 na ka 100 jong ka jingdon ki longiing ki don ïa ka um kor haduh ïing. Da ka jingpyntreikam kaba bniah bad ka jingkyntur bajur, tang hapoh ar snem 6 bnai, haduh 2.4 lak tylli ki longïing ki la ïoh um haduh ïing. Ka jingkiew ka Meghalaya ka long kaba ai nuksa, kaba wan haka kyrdan kaba ar ha ka ri kum ka jylla kaba kiew stet tam ha ka ri. Ka Meghalaya mynta ka don 1,461 tylli ki shnong ha kaba la lah ban pynpoi um kor ha man la ka thliew ïing.
Kum kane ka nuksa babha kala wanrah ka jingkiew haka jingïashim bynta ki briew ha ka jingïoh kam ha nongkyndong lyngba ka MNREGS bad ka la pynkupbor ïaki kynthei ka jylla ban plie ka lad ban kamai kajih lyngba ki SHG. Na ka daw ka jingïoh um khlem pud, ki khynnah skul kim donkam shuh ban pynlut por ban leit tong um. Ka jingsangeh pule ki khynnah skul ruh kala hiar shibun na ka 28 naka 100 sha ka 19.5 na ka 100 hapoh shisnem. Shuh shuh, ka sorkar jylla ka thmu ban pynïoh um kor shuh shuh sha ki 3.5 lak tylli ki longïing
Da ka jingphai khmat sha ka koit ka khiah, la thung 31 tylli ki jaka ban test ïaka um ha ka jylla. Ki la don ruh ki jingpyrshang ban pymïoh umdih bad kiwei kiwei de ki jingdonkam ha ki skul, bad anganwadi centre, bad haduh mynta la lah ban pynpoi umdih sha ki 7,703 tylli ki skul (58 naka 100 bad 2,831 (62 naka 100) ha ki anganwadi centre ki la ïoh um kor.
Haba pdiang ïa kane ka jingkylladur, ka Sorkar India kala shim bad pdiang ïa ka Aminda Simsanggre bad ka Chambagre ha West Garo Hills ba kin wan ha ka kyrdan ba 2 bad ba 3 ha kaba ïadei bad ka jingïoh ïaka khusnam ‘Best Village Panchayat’ ha ka National Water Awards kaba lai ha u snwm 2020.
Kum ka Renoobala Marak, kiba bun na kiba sah ha ki thaiñ nongkyndong kila lait na ka jingjynjar ban leit tong um sha ki ïing jong ki. Ki la don ïaka um kor haduh ïingsah ban dih, bad ki la nang kham ïoh ïaka por ban trei ban ktah bad ban kamai kajih bad kiwei kiwei ki kam. Ka Sorkar Meghalaya kala jop ha ka ban pynioh um sha ki ïing ki sem sha palat 2.4 lak tylli ki longing hapoh 3 snem.
