Shillong, Iaiong 8 : Iwei I Khunlung shynrang ila shah ieh ha ka kmie ha khyrdop ka Out Patient Department ka Ganesh Das Hospital, Lawmali, Shillong ha ka 23 tarik Lber, ha ka por 8:25 baje mynmiet.
ïa kane la pyntip lyngba ka kyrwoh bala pyllait da ka District Child Protection Unit, East Khasi Hills ha ka sngi Balang.
La pyntip ba ine I Khunlung I don mynta hapdeng ka jingri jingsumar jong ka Lawei Baphyrnai Specialised Adoption Agency, Shillong.
Ka District Child Protection Officer kala kyntu ïa kino kino ki briew ne bahaïing hasem kiba don jingtip shaphang ine I Khunlung ba kin ïakynduh ne kren ïa ki bor ba dei khmih hapoh ka 60 sngi na ka sngi ba pynmih ïa ka jingpynbna lym kumta yn kheiñ ïa ine I khunlung kum iba lah ban ting kat kum ka aiñ bad ki lynti kiba dei.
ïa kino kino ki jingtip ki paidbah ki lah ban phone sha ka Ophis ka District Child Protection Unit, East Khasi Hills, Shillong ha u nombor 0364-7962188, ka Office jong ka Child Welfare Committee, East Khasi Hills, Shillong ha u nombor 0364-7962188, lane Lawei Baphyrnai Specialised Adoption Agency, Lumsohphoh, East Khasi Hills, Shillong ha u nombor 9612168593.
